GENERAL SANTOS CITY – Patay ang usa ka electrician human nga gipusil sa nakamotorsiklo sa National Highway, Prk 1, Kawas, Alabel, Sarangani Province duol sa simbahan sa lugar.
Giila ang biktima nga si Jomar Ybañes, 38, minyo, residente sa lugar.
Sa pakighinabi sa Bombo Radyo, gibutyag ni Marlyn Ybañez, iyaan sa biktima nga walay atraso sa ubang tawo ang pag-umangkon ingon man sa trabaho niini tungod buotan ang nasampit.
Hinungdan nga nakuratan na lamang sila dihang gipahibalo kanila sa ilang mga silingan nga gipusil ang nasampit.
Sa pagkakaron, walay gidudahan nga tawo nga mitiro sa pag-umangkon apan Ginoo na lamang matud pa ang nahibalo sa mga suspek.
Kahibaluan nga dead on the spot ang biktima human kini naigo sa ulo nga bahin.
Sa imbestigasyon sa Alabel Municipal Police Station, ang biktima pauli na unta sa ilang balay gikan sa trabaho kung asa nagmaneho og motorsiklo dihang gipusil sa riding in tandem.
Human sa pagtiro sa biktima, ang mga suspek ang paspas ga nag-U turn sa ilang motorisklo paingon sa GenSan
