GENERAL SANTOS CITY – Electrical short circuit ang usa sa gituuhang hinungdan sa pagkasunog sa usa ka panaderya kagahapong adlawa, sa Brgy City Heights ning dakbayan.
Pasado alas-10:00 kagahapon sa buntag, gilayong miresponde ang mga ginsakpan sa Bureau of Fire Protection-Gensan ug South Cotabato Chamber of Commerce Fire Brigade ug gitabangan ug patay ang kalayo sa nahisgutang establisyimento, apan naugdaw gihapon sa bunk house niini, samtang medyo nasunog usab ang ilang oven ug usa ka kotse.
Sa imbestigasyon, unang nadunggan ang pagbuto gikan sa bunk house, ug didto na nagsugod ang kalayo. Sa inisyal nga pagbana-bana sa BFP, mukabat sa P50,000 ang damyos sa nahisgutang insidente, apan padayon pa sa pagpangalap ug impormasyon.
Matud sa mga trabahante sa naasoy’ng panaderya, gituuhang mga nakasaksak nga appliances nga gipanag-iyahan sa helper ang maoy gisugdan nga kalayo.
Hinungdan nga subling nagpahimangno ang BFP nga dii gayud biyaan ang mga gamit ug appliances nga nakasaksak, hilabi na kon may lakwan.
