Nagtaho ang Department of Energy (DOE) sa padayon nga pagtubo sa industriya sa electric vehicle (EV) sa Pilipinas, base sa monitoring sa ahensya.
Base sa datos, hapit 400 ka electric vehicles ang narehistro sa Pilipinas, nga ang tanan nakasunod sa mga giya nga gitakda sa Vehicle Fuel Economy Labeling program (VFELP).
Ang pinakadaghan niini mao ang Battery Electric Vehicles, nga miabot na sa hapit 200, gisundan sa kapin sa 100 ka Hybrid Electric Vehicles.
Gipasalig sa DOE ang padayon nga suporta sa gobyerno alang sa nahisgutang industriya.
Sa pagkakaron, adunay kinatibuk-an nga 1,511 ka charging points sa lainlaing mga bahin sa Pilipinas, kapin sa 740 niini ang AC charging points.
Gipadayon usab sa DOE ang P23.71/kWh charging fee alang sa ingon nga mga klase sa mga sakyanan.
Base sa datos sa ahensya, adunay kapin sa 250 ka mga operator, supplier, ug service provider sa electric vehicle sa lainlaing mga bahin sa nasud.
Ang gidaghanon sa mga parokyano ug mga entrante sa industriya sa electric vehicle gilauman nga modaghan pa taliwala sa krisis sa lana tungod sa nagkagrabe nga gubat sa Middle East.
