Nakuha ni Ernest John “EJ” Obiena ang silver medal sa iyang labing-una nga pagbalik sa international pole vault competition sukad nga nagpahulay niadtong 2024 tungod sa injury sa likod.
Nagpasakop ang Pinoy Olympian sa International Springer-Meeting Cottbus sa Germany kun asa na-clear niini ang 5.65-meters.
Nagtinguha pa unta sa 5.75 meters apan napakyas sa tulo ka higayon.
Nagsunod si EJ sa American og Paris Olympics silver medalist nga si Sam Kendricks nga nag-inusara nga nakalukso og 5.75 meters.
Kahinumdoman nga Agusto dihang gianunsyo sa Pinoy athlete nga sayo niining humanon ang 2024 season tungod sa injury nga nagakinahanglan og pahulay.
Sukad kaniadto, wala kini nakaapil sa uban pa nga mga kumpetisyon og wala usab nadayon ang Philippine International Pole Vault Challenge nga iyaha unta giplano nga matigayon sa Septyembre.
