Magpabilin og pipila ka adlaw sa Dubai si Pinoy pole vaulter EJ Obiena.
Gibutyag sa iyang adviser og benefactor nga si Jim Lafferty nga ilang planuhon pagmaayo ang nagkaduol nga outdoor season.
Sa nangaging pito ka kumpetisyon nga gisalihan sa 29-anyos nga si Obiena sa pagsugod karong tuiga, wala kini naka-clear sa 5.80 meters.
Pinakaulahi ang niadtong nakalabay nga semana sa Mondo Classic nga usa ka indoor event kung asa sa 10 mga misalmot, nahimong ikawalo lamang kini.
Sa sunod nga dula niini mao ang Diamond League nga matigayon sa China nga usa ka outdoor event.
Gibutyag ni Lafferty nga tungod sa injury sa likod ni Obiena wala kayo kini nakabansay pagmaayo una ang pipila ka kumpetisyon nga natigayon.
Tungod sa huyang nga indoor performance niya gibawasan na lamang niya ang pagsalmot dinhi og itutok sa outdoor competition.
