Misulay ang Egyptian basketball player nga si Alie Wessam sa paglapas sa iyang kaugalingong limitasyon human niya mabungkag ang duha ka Guinness World Records, lakip ang usa ka rekord nga kaniadto gihuptan sa usa ka miyembro sa Harlem Globetrotters.
Si Wessam, 21 anyos, misulod sa gym aron sulayan ang pagbuntog sa rekord alang sa pinakalayong basketball hook shot ug pinakalayong basketball shot nga gihimo nga nagtalikod sa parehas nga adlaw.
Nahimo niya ang hook shot record pinaagi sa tira gikan sa gilay-on nga 82 feet ug 10 inches, samtang ang backward shot record iyang nabungkag human makaigo gikan sa gilay-on nga 90 feet ug 6 inches.
Ang rekord sa backward shot kaniadto gihuptan ni Harlem Globetrotters star Corey “Thunder” Law, nga nakahimo og tira gikan sa gilay-on nga 87 feet ug 8 inches niadtong 2024.
Matod ni Wessam, usa ka kanhi miyembro sa Egyptian National Basketball Team, dako kaayo ang iyang kalipay human niya mabungkag ang rekord sa Harlem Globetrotters, usa ka butang nga wala niya damha nga mahitabo.
Gipahayag usab niya ang iyang respeto sa mga nahimo sa Harlem Globetrotters, apan isip usa ka atleta, padayon niyang tinguhaon nga mapalambo pa ang iyang abilidad ug sulayan ang pagbuntog sa ubang mga rekord sa umaabot.
