GENERAL SANTOS CITY – Nagpahigayon ug lihok protesta ang mga progresibong grupo dinhi sa dakbayan alayun sa ika-32 anibersaryo sa 1986 EDSA People Power Revolution.
Matud kay Karapatan Deputy Secretary Annie Macalintal, tumong sa pagpahigayon ug rally kagahapon aron ipabati kang Pangulong Rodrigo Duterte nga dili na kini angayang magpabilin pa sa iyang puwesto.
Gani, nakit-an na matud pa karon sa katawhan nga gapamitol ang Pangulo sa mga tawong gakontra sa iyang liderato. Kini nahitabo usab kaniadto sa pagdumala sa diktador nga si kanhi Presidente Ferdinand Marcos kung asa daghang katungod sa katawhan ang nalapas.
Sa pamahayag ni Macalintal nga dili luwas ang mga progresibong grupo sa kasamtangang administrasyon.
Nasayran nga kapin 50 ka tawo gikan sa lain-laing militanteng grupo sa dakbayan ang nagprotesta kagahapon sa may kilid sa Round ball kung asa gisunog sa mga nasampit ang effigy ni Pangulong Rodrigo Duterte.
Supak usab ang mga nasampit nga grupo sa implementasyon sa TRAIN Law.
Kahibaluan nga nagresulta sa paghuot sa dagan sa trapiko sa P Acharon Blvd.
