GENERAL SANTOS CITY – Hingpit nang nahimong balaud ang Republic Act 11996 kon mas nailang “Eddie Garcia Law” human gipirmahan ni Pangulong Ferdinand ‘Bongbong’ Marcos Jr.
Ang balaud nga gibase gikan sa kamatayon ni Filipino movie icon Eddie Garcia, maghatag og proteksyon sa kaayuhan sa mga trabahante sa movie ug television industry.
Segon sa Presidential Communications Office, namugna ang maong balaud tungod sa hinungdan sa kamatayon ni Eddie Garcia nga na-aksidente samtang nag-shooting alang sa usa ka television show.
Ang balaud nagmando sa trabahante ug sa employer o kaha principal nga mag-execute gayod og kasabutan o kaha employment contract gamit ang linggwahe nga masabtan sa duha ka kampo una sugdan ang proyekto.
Wala’y kasabutan o kaha employment contract nga musaway batuk sa usa ka trabahante nga duna’y mga kontrata o proyekto tali sa laing mga production outfits gawas kung ipaklaro sa kontrata. .
