Maayo ang kahimtang sa ekonomiya sa nasud ug padayong milambo taliwala sa tinguha ni Presidente Ferdinand R. Marcos Jr. aron mahimo ang nasud nga usa ka malungtaron nga manufacturing hub sa nasud.
Kini ang gibutyag ni Philippine Economic Zone Authority (PEZA) Director General Tereso Panga nga kung ang standing sa Gross Domestic Product (GDP) ang istoryahan, dili papildi ang status sa nasud.
Ikaduha ang GDP growth rate sa Pilipinas, matod ni Panga, samtang una ng nagpadayag ang Finance Department nga nisaka kini og 6% sa ikatulo nga kwarter tungod nagpadayon ang paghinay sa inflation.
Gawas niini dugang sa PEZA official nga anaa sa ikaupat ang standing sa Pilipinas kung hisgutan ang Foreign Direct Investment (FDI).
Sa pagkakaron, matod ni Panga, padayon nga nagdawatan ang nasud og mga investors nga matud niya siguradong makamugna ug dugang trabaho ug ekonomikanhong oportunidad hangtod sa LGUs
