Eala ug Tjen pakyas nga makasulod sa finals sa Abu Dhabi Open

Napakyas nga makasulod sa finals sa Abu Dhabi Open ang mga Pinay tennis stars nga sila si Alex Eala ug Janice Tjen sa Indonesia.

Napakyas ang duo sa kombinasyon nila ni Tereza Mihalikova sa Slovakia ug Olivia Nicholls sa Great Britain sa iskor nga 6-4, 6-2 sa semifinals round.

Naningkamot sila si Eala ug Tjen nga makaapas sa puntos sa duwa nga milungtad og usa ka oras ug 16 minutos.

Sa ikaduhang set, nabiyaan sila si Eala ug Tjen og 0-3 apan wala gihapon kini mahimo hangtod nga natapos nila ni Mihalikova ug Nicholls ang duwa.

Mahinumduman nga ang kampanya ni Eala sa women’s singles natapos og sayo sa dihang napildi siya sa quarterfinals batok ni Ekaterina Alexandrova.