Nagmalampuson ang electronic kon e-Undas 2024 nga gilusad sa Bureau of Corrections (Bucor) alang sa mga persons deprived of liberty (PDLs) sa New Bilibid Prison (NBP) sa adlaw sa kalad-kalag sa Nobyembre 1 ug 2.
Ang maong programa kabahin sa tinguha sa BuCor nga mapaduol ang mga piniriso ngadto sa ilang kabanay nga nitaliwan na bisan pa man sa ilang pagpabilin sa prisohan.
Ubos sa maong kalihukan, mahimong makig-estorya ang mga PDLs sa ilang kabanay nga mubisita sa lubong sa ilang mga mahal sa kinabuhi nga ning taliwan na pinaagi sa video conference ubos sa pagdumala sa ahensya.
Sumala ni BuCor Director General Gregorio Pio Catapang, daghang mga PDLs ang nisalmot sa maong programa diin temporaryo nilang nalantaw ang lubong sa ilang mga mahal sa kinabuhi.
Samtang, gipangunahan usab sa kanhi heneral ang espesyal nga misa sa mass grave sulod sa NBP Cemetery aron paghandom sa mga ningtaliwan nga mga piniriso. Kabahin usab kini sa tinguha sa BuCor nga masilsil sa kasing-kasing sa matag PDL, ang panag-uban ug pagsalig sa usag-usa.
