Gibutyag sa usa ka pagtuon nga padayon gihapon ang operasyon sa online cockfighting o e-sabong sa mga unregulated gambling platforms bisan pa nga adunay nationwide ban pinagi sa Executive Order No. 9 nga gipagawas ni Pangulong Ferdinand Marcos Jr. niadtong Disyembre 2022.
Ang maong mga plataporma nagpadayon og pagpanghatag og promosyon sa social media ug pinaagi sa pribadong mensahe.
Bisan pa og adunay pipila nga nagkinahanglan og registration, madali ra gihapon kini ma-access sa publiko.
Gipakita sa report ang kakulang sa pagpapatuman sa balaod, tungod kay bisan ang pipila ka iladong mgag personalidad nakit-an nga nagagamit sa maong serbisyo.
Kung ikumpara, mas daghan ang dula sa unregulated platforms nga anaa sa 5,000 kumpara sa 2,900 sa regulated platforms nga sakop sa PAGCOR.
Dugang pa niini, walay hugot nga verification, walay limitasyon sa transaksyon, ug nagtanyag kini og mas taas nga mga bonus hangtod 108% ug affiliate commissions nga 45–65% sa kita, kompara sa regulated sites.
