Magpahigayon ang Commission on Elections og electronic raffle sa mga Party-list groups karong Biyernes, Oktubre 18 aron madetermina ang ilang order sa opisyal nga balota para sa 2025 midterm elections.
Matod sa tigpamaba sa Comelec nga si John Rex Laudiangco, ang naandang alphabetical order tangtangon sa bag-ong polisiya.
Matud usab sa opisyal sa Comelec nga ilang i-livestream ang nasangpit nga e-raffle sa ilang official streaming platforms.
Base sa Comelec Resolution No. 11068, ang raffle ipahigayon karong Oktubre 18 mga alas 9 sa buntag sa buhatan sa Comelec sa Intramuros, Manila.
Ang mga kasamtangang party-list nga grupo, organisasyon o koalisyon nga adunay aktibong rehistrasyon sa adlaw sa raffle ug kadtong nag-file og Manifestation of Intent to Participate in the Party-list System, ug bag-ong rehistrado nga party-list groups tugutan nga makaapil sa ang raffle.
