GENERAL SANTOS CITY – Ipahigayon karong adlawa sa tibuok probinsya sa Sarangani ang Anti Dengue Reload campaign, kini human ang panawagan ni Sarangani Provincial Health Officer Dr. Arvin Alejandro nga suportahan ang maong aktibidad nga ipahigayon unyang alas kwatro sa hapon.
Kini ang dungan nga pagpanglimpyu gikan sa Sarangani Capitol, munisipyo, mga barangay ug tulunghaan pinaagi sa DepEd ug uban pang sektor.
Matud kang Dr. Alejandro nga magsilbi kining kick-off ceremony sa mas gipakusgan pa nga pagpanglimpyo sa tibuok probinsya sa pagpanguna ni Gov. Steve Chiongbian Solon, hinungdan nga gitawag kinig“reload” tungod walay laing pamaagi aron atbangan ang dengue pinaagi sa pagpanglimpyu sa palibot, ug buhaton kini sa matag adlaw dili lang panahon nga adunay magka dengue sa silingan. .
