GENERAL SANTOS CITY- Dul-an sa 1,000 ka mga pulis, sundalo og laing mga law enforcers lakip ang force multipliers ang mubantay atol sa kalag-kalag.
Matud pa ni City PNP Director Col. Alexis Jomar Yap, nga dili lamang sa sementeryo i-deploy ang mga nasampit apan lakip sa mga terminals, simbahan, malls og laing mga pampubliko nga dapit.
Apila sa kapulisan sa publiko nga magkooperar sa mga patakaran aron mahimong hapsay ang tanan.
Ang mga pulis ang ideploy sa mga sementeryo sugod sa October 30 hangtud November 3, 2022.
Nasayran nga 10 ang mga sementeryo sa syudad kung asa upat ang pribado nga duha sa Apopong og duha usab sa Barangay Mabuhay.
Ang mga pampublikong sementeryo nahimutang sa Barangay Fatima, San Jose, Bawing, Mabuhay og Conel.
Sa Forest Lake Cemetery ang labing dako nga private cemetery ang gilauman ng dugukon sa libuan ka mga tawo.
