ENERAL SANTOS CITY – Kapin na sa 700 ang mga reklamante nga nangayo og tabang sa National Bureau of Investigation (NBI)Sarangani-GenSan District Office batok sa mga investment companies sa syudad.
Gawas niini anaa sa P2.4 billion ang kwarta nga nakuha gikan sa mga investors human mipasalig nga may dakong interes human maka-pay in.
Gikumpirma sa NBI nga kasong syndicated estafa ang atubangon sa mga nalambigit sa maong hinimuan.
Nasayran nga anaa sa 271 ang reklamante sa PPM nga P2 billion ang gipangita nga kwarta.
Samtang 152 ang reklamante sa Alamco nga mukabat sa P47 million ang nalambigit.
Sa bahin sa PRIS CI anaa sa 65 ang reklamante, P3 million ang na-invest.
Ang sa KAPA anaa sa 32 ang reklamante og P3 million ang gisingil, samtang sa Shantal anaa sa 32 ang reklamante og P304 million ang nahatag sa mga investors.
Sa Take 5 adunay 12 ang reklamante og P20 million ang na-invest.
Samtang may 19 ka mga investment companies sa syudad ang may mga reklamente na nga maoy karon ang giasikaso sa NBI.
Nasayran nga kapin sa 30 ka mga investment companies ang ga-operate sa syudad base sa listahan gikan sa NBI og sa komitiba ni Kag. Edmar Yumang.
