Dul-an 3K nga rebelde nag-apply alang sa amnestiya sa gobyerno – NAC

Dul-an sa 3,000 ka mga rebelde gikan sa lainlaing mga grupo ang nag-aplay alang sa amnestiya gikan sa gobyerno, matud sa National Amnesty Commission (NAC) .

Si NAC Chairperson Leah Tanodra-Armamento niingon nga kadaghanan sa mga aplikante sa amnestiya gikan sa Communist Party of the Philippines, New People’s Army ug National Democratic Front (CPP-NPA-NDF).

Gisundan kini sa mga sakop sa Moro Islamic Liberation Front (MILF), Moro National Liberation Front (MNLF) ug Rebolusyarnong Partido ng Manggagawa ng Pilipinas/ Revolutionary Proletarian Army/ Alex Boncayao Brigade (RPMP-RPA-ABB).

Samtang, target sa NAC nga makadawat og 10,000 ka aplikasyon alang sa amnestiya.