GENERAL SANTOS CITY – Dul-an sa 3,000 na ang kinatibuk-ang nagmaayo sa Coronavirus disease sa Region 12 kini human nga nadugang ang 91 nga bag-ong nakarekober.
Base sa report sa DOH- Center for Health Development Soccsksargen Region, sa pagkakaron anaa na sa 2,993 ang total recoveries sa maong sakit gikan sa 3,683 kumpirmadong kaso sa rehiyon dose.
Nanguna ang GenSan sa adunay labing daghang nagmaayo nga mitala og 849, ikaduha ang South Cotabato nga adunay 767, ikatulo ang Cotabato City anaa sa 667, ikaupat ang Sarangani nga may 296, ikalima ang North Cotabato nga 237 ka total recoveries ang natala og Sultan Kudarat nga may 177 ang nagmaayo sa sakit.
Sa 3,683 nga katibuk-ang kaso, mukabat sa 566 pa ang padayong nagpaayo samtang 123 ang napatay sa deadly virus.
