-- ADVERTISEMENT --
Nag-imbento ang usa ka neuroscience startup og hilabihang kabug-at nga casing sa selpon aron sa daw batokan ang adiksyon sa maong gadget og mapaubos ang screentime sa mga users.
Ang kumpanyang Matter Neuroscience maoy nagmugna sa maong smartphone case diin aduna kiniy giibug-aton sa 6 pounds o 2.7 kilos nga mas bug-at pa sa mga modernong laptops.
Inspired ang ilang desinyo sa Black Diamond phone niadtong 1980s diin ginama kini sa stainless steel ug dili gyud maigo sa imong bulsa.
Ang kahasol sa desinyo niini maoy nakahatag sa iyang katalagsaon aron daling puyuyon imong kamot ug bukton sa pagbitbit sa imong selpon ug maminosan ang screen time sa mga indibidwal.
