GENERAL SANTOS CITY – Mukabat sa 320 ka mga pulis ang gideploy sa mga election hotspots sa tibuok Region 12, alang sa matigayon nga Barangay ug SK elections ugmang adlawa.
Gipangunahan mismo ni Police Regional Office 12 Director Chief Supt. Marcelo Morales ang send-off ceremony sa nahisgutang mga pulis, kung asa ang mga nahisgutan matud pa ang i-deploy sa T’boli, South Cotabato; Pikit, North Cotabato, ug uban pang lugar nga sagad nga gadeklara ug failure of election gumikan sa presensya sa mga walhong grupo, intense political rivalries, ug uban pang rason.
Gikabutyag nga ang maong lakang ang maoy nakita nga pamaagi aron mahinayon ang nasampit nga piniliay sa nahisgutang lugar.
Ang nasampit nga mga pulis ang maoy mubarog nga special boad of election inspectors, human nga miatras matud pa ang mga magtutudlo sa maong mga lugar ug dili gustong mahimong miyembro sa BEIs.
