GENERAL SANTOS CITY – Ginaproseso na sa LGU Sultan Kudarat ang mga benipisyo sa Comprehensive Local integration Program alang sa 39 ka mga rebelde nga nag-surrender samtang bitbit ang lain-laing matang sa tag-as nga kalibre sa armas.
Kini human gipresenta ngadto nilang Gobernador Pax Mangudadatu ug PRO 12 Director Marcelo Morales.
Matud ni 33rd Infantry Battalion Comanding Officer Lt. Col. Harold Cabunoc nga human sa pagsurender sa naasoy nga mga rebeldi gilayon nga gipulihan ang pangalan sa Guerrilla Front Committee 73 ngadto sa Daguma Sub Region human nag-usa ang tropa nilang Kumander Yoyo ug Kumander Makmak.
Gani samot matud pang mihinay ang kalihukan sa rebelding grupo sa kabukirang bahin sa Kiamba, Maitum ug Maasim Sarangani; Lake Sebu sa South Cotabato ug sa Bagumbayan ug Palembang, Sultan Kudarat.
Kini human gitugyan ang mga M14, M16, Garrand rifle, Thompson assault rifle, ug daghang pistola.
Gipaniguro usab niini nga gilayon nga madawat sa mga nahisgutan ang tig P65,000 nga puindo ug laing P20,000 gikan sa DILG.
Matud niini nga dili nila biyaan ang lugar tungod ganado human godoble ni pangulong Duterte ang ilang sweldo
