GENERAL SANTOS CITY – Dul-an 300 ka board feet sa mga illegal logs ang nakumpiska sa kapulisan sa Maitum, Sarangani.
Sikop ang driver sa tricycle nga maoy nagkarga sa maong mga pinutol nga kahoy nga giilang si Milbert Foras, 37 anyos, residente sa Brgy Poblacion, Maitum.
Base sa report gikan sa Maitum Municipal Police Station, pasado alas-3:00 sa kaadlawon dihang namatikdan ang tricycle nga may sakay nga 50 ka pinutol nga lawaan ug 10 ka yacal, nga may estimated 298 board feet.
Hinungdan nga katambayayong ang ubang unit sa kapulisan ug Green Brigade personnels ug forest protection officers, naharang ang nasampit nga tricycle ug giaresto ang driver.
Samtang ang nasampit nga mga pinutol nga kahoy ang kasamtangang nagpabilin sa kustodiya sa MENRO sa Kiamba, samtang ang driver ang gikustodiya sa presinto sa kapulisan sa Maitum, kung asa mibalibad una kini sa paghatag ug pahayag, samtang nagpadayon ang imbestigasyon.
