GENERAL SANTOS CITY – Nagmingaw ug walay mikuha sa duha ka patay nga lawas sa duha ka batan-ong lalaki nga napusilan sa kapulisan sa hot pursuit operation sa usa ka carnapping incident.
Gikumpirma ni Police Lt. Omar Baret deputy Chief of Police sa BUla POlice station nga nagpabilin sa usa ka punerarya ang mga patay nga lawas sa suspek nga nabawi-an ug usa ka XRM 125 kaniadtong dominggo sa gabii.
Pagsaysay ni Baret nga kanhi na nalambigit sa pagpangawat ug trtisikad ang nahisgutang mga suspek apan wala lamang kini mapatala sa presento tungod nabawi dayon sa tag-iya.
Suspek usab sa pagpangawat ang nahisgutang basi sa natala sa Bula ug Lagao Police Station.
Kahinumduman nga nakuhaan ug usa ka 38 revolber, usa ka sachet sa gituhu-ang shabu ug ang motor nga panag-iya sa nagpangalan ug Rene Brillantes Parehas nga taga Capareda Lagao ning syudad.
Naapsan matud pa sa kapulisan sa Purok Superville sa Lagao ang mga suspek apan misukol kini sa kapulisan gamit ang bitbit nga pusil.
Human napusilan gidala pa sa tambalanan ang mga suspek apan nabugtu-an kini sa kinabuhi una nakaabut sa tambalanan.
