GENSAN –Pulos pa nga nagpabilin sa ospital ang duha ka biktima sa pagpamusil sa managlahing lugar dinhi sa dakbayan.
Nagpaalim na lamang sa Dr. Jorge P Royeca Hospital ang nagpangalan og Pemne Millora, 43 anyos nga taga Prk Malok Labangal ning syudad.
Kini human nakaangkon ug samad pinusilan sa iyang kamot ug hawak. Gibutyag nga natigayon ang pagpamusil gamit ang 12 gauge shotgun samtang natulog ang biktima sa payag.
Blangko pa ang kapulisan kung si kinsa ang responsable sa insidente.
Samtang nagpaalim usab sa maong ospital ang usa ka menor de edad human nga gipusil sa miembro sa grupo sa mga kabatan-unan nga gitawag ug sukarap sa Prk Placida Calumpang.
Giila ang biktima nga si Joven Rodrigo, 16 anyos minyo nagpuyo sa maong lugar.
Alas 8:30 sa gabie samtang anaa sa gawas sa ilang balay ang biktima kauban ang bana og barkada, duha ka sukarap ang kalit nga miagi og gilayong gipusil ang biktima gamit ang sumpak ug naigo sa walang bahin sa abaga.
Sa pagkakaron, padayon pang giila ang mga suspek.
