GENERAL SANTOS CITY – Makabaton na unya ug kaugalingon nga korte ang munisipyo sa Glan ug Malapatan human gipalig-on sa probinsya sa Sarangani sa pagpanguna ni Sarangani Governor Rogelio Pacquiao ang pagpirma ug Memorandum of Understanding ug Deed of Donation sa pagatukoran nga luna alang sa duha ka korte.
Sulod sa capitolyo nahitabo ang pagpirma ug deed of donation silang Board Member Tranquilino Ruiz nga midonate ug 1,000 square meters nga pagatukoran sa Hall of Justice sa Glan Sarangani.
Mao usab ang gipirmahan ni Malapatan Mayor Salway Sumbo dihang nag donate uig 1, 042 square meters nga luna pinaagi sa pagtugot sa Malapatan Sangguniang Bayan Resolution nga pagatukoran sa korte alang sa Malapatan, Sarangani Province.
Naa sa maong okasyon si deputy Court Administrator for Mindanao Atty. Leo Madrazo ug Presiding Judge sa MCTC Glan-Malapatan Judge Yogie Martirizar-Kida, Judge Bill Lugo Ybarley, naa usab ang pipila ka Board Members ug mga abogado sa Sarangani ug uban pang stakeholders.
Nasuta nga gigahinan ug higayon sa Hall of Justice ang pagbutang ug justice on wheels nga magserbsiyo sa katawhan sa Sarangani.
Ang justice on wheels pwedi nga muadto sa mga munisipyo tungod ang mga personahe nga maglangkob sa korte ang naa na sulod sa usa ka sakyanan.
