Kustodiya karon sa PNP-Regional Mobile Force Company ang duha ka miyembro sa walhong grupo human nga mitahan sa ilang kaugalingon sa otoridad sa Maasim Sarangani Province.
Matud pa ni PMaster Sergeant Sukran Sugod sa Maasim Municipal Police Station, ang mga surenderees ang nailhan sa pangalan nga silang Junjun Tonggo og Billy Lamingan nga pulos residente sa Purok Seven Lumasal Maasim.
Gibutyag sa nasampit nga opisyal nga ang duha ang kanhi sakop sa Guerilla Front 73 sa NPA nga galihok sa MAKIMA area. Dugang niini, bitbit sa mga nasampit atol sa ilang pagsurender ang usa ka rifle grenade.
Gipailawom ang duha ang debriefing samtang giproseso na usab ang mga dokumento alang sa pagpailawom sa ilaha sa ECIP sa gobyerno aron nga mahatagan ug panginabuhian aron makabalik sa normal ang kinabuhi kauban ang ilang tagsa ka pamilya.
