GENERAL SANTOS CITY – Gikasuhan na ug rape ang duha ka lalaki sa Fatima Police Station human matud pa nalambigit sa pag-gang rape sa usa ka 18 anyos nga mabdos.
Giila ang duruha nga silang Julius Rivera, 21 anyos, hollowblock maker, ug Bernandino Senizal, 21 anyos usab ug usa ka laborer.
Matud ni Police Cheief Inspector Maderse, hepe sa nasampit nga presinto, nga napasakaan na ug rape ang duruha, human nga maoy gitudlo sa biktima nga si Alyas Neneng, nga positibong nalugusan base sa resulta sa medical examination.
Gikabutyag nga kauban nilang milugos sa biktima ang ilang lima pa ka barkada, kung sa usa niini ang boyfriend ug textmate matud pa ni Alyas Neneng nga usa usab ka second-year college student.
Apan hugtanong gipanghimakak sa duruha nga nasikop ang akusasyon ug gihingusgan nga wala nila gihilabtan ang biktima.
Gikabutyag nag-inom matud pa silang managhigala dihang gitawagan ni Alyas Pogs ang biktima hinungdan nga miabot kini ug miapil kanila sa pag-inom bisan ug nagsabak hangtod nga nahubog kini ug gihimo sa ilang mga higala ang pagpanglugos.
Andam usab matud pa ang duruha nga mutabang aron masikop ang lima ka nakasibat nga higala nga kasamtangan nagpabiling gawasnon.
