Gipakita sa duha ka maguwang ang ilang pagkaresponsable human nila dali nga gibitbit ug gidala ngadto sa luwas nga dapit ang ilang mga manghod atol sa magnitude 6.5 nga linog nga miigo sa General Santos City kagabii.
Sa CCTV footage nga mikaylap online, makita nga anaa sulod sa usa ka kuwarto ang managsuon sa dihang kalit nga miuyog ang yuta.
Wala magduha-duha ang duha ka kuya nga puniton ang ilang manghod ug ipahilayo sila sa posibleng peligro.
Gidayeg sa daghan katawhan ang maong aksyon sa mga bata nga nagpakita sa pag-atiman ug pagpanalipod sa pamilya bisan pa sa kahadlok nga ilang gibati tungod sa kusog nga linog.
Matod sailang inahan nga si Honey Jean Banse usa ka Marketing Head sa Ramon Magsaysay Memorial Colleges nga ilang natudluan ang ilang anak nga silang Adriel John ug Aiden James kon unsa ang buhaton ug makasinati ug linog human sa nakalabayng 7.8 magnitude nga linog niadtong Hunyo 8 ug sa lain pang nasud nga pagtay-og nga mikalas na ug daghang kinabuhi.
Isip usa ka inahan nibilib usab siya sa nahimo saiyang mga anak nga nagpakita ug pagka-responsableng mga kuya sailang mga manghod
