Nisulod na sa plea agreement ang duha ka kaubang akusado ni Pastor Apollo Quiboloy sa US .
Ang mga sakop sa Kingdom of Jesus Christ (KOJC) nga sila si Gia Cabactulan ug Amanda Estopare ang nisigit na nga musulod sa plea agreement.
Sila naga atubang sa kaso nga ‘visa-fraud’ tungod sa peke nga kaminyuon ug pagpugos sa ilang mga sakop nga mangayo og kuwarta alang sa KOJC.
Tungod niini posible nga mag-atubang og lima ka tuig nga pagkabilanggo ug pagbayad og labing menos $200,000.
Kahinumdoman nga ang laing kaubang akusado nga si Marissa Duenas, nihimo usab og plea agreement niadtong miaging semana.
Ang sunod nga lakang karon mao ang pag-iskedyul sa korte sa US og pagdungog sa nasangpit nga kaso.
Si Duenas, Cabactulan, Estopare ug Quiboloy gipasakaan og kaso sa federal court niadtong 2021 sa California sa kasong sex trafficking ug money laundering.
