GENERAL SANTOS CITY – Gitutukan ni PRO 12 Director Brigadier General Percival Placer ang duha ka kaso nga lugos nga nahitabo sa area of responsibility sa Mabuhay police station ug Tambler Police station.
Kini ang pahayag ni City PNP Director Col. Nicomedes Olaivar Jr. nga kanunay usab gapangayo ug update nilang Police Major Ian Bagut ug Police Major Robert Forez.
Sa labing ulahi nga katikaran may person of interest na ang rape case nga gitutukan sa Tambler Police station samtang sa area of responsibility sa Mabuhay Police Station wala pa ang resulta sa DNA test ug gapaabut pa sa mahimong resulta.
Kini human gipatawag sa Konseho ning syudad si Col. Olaivar aron kumustahon ang dagan sa imbestigasyon sa paglugos ug pagpatay sa syete anyos nga bata nga taga Conel.
Basi sa data gikan Enero hangtud karong bulana adunay 29 ka kaso nga gihuptan sa women and children desk ug sa maong ihap dise syete niini ang kaso nga Rape ug ang uban niini acts of lasciviousness.
Kasagaran usab sa suspek traysikol drayber kung asa ang pasahero ang biktima.
