GENERAL SANTOS CITY – Lain na usab nga myembro sa Communist Terrorist Group (CTG)ang mitahan sa ilang kaugalingon sa mga operatiba sa Alpha Company 73rd Infantry Battalion Philippine Army sa Malapatan sarangani.
Ang mga nagsurender ang mga kanhi sakop sa Guerilla front Tala sa far south Mindanao region nga giila sa ilang pangalan sa kalihukan nga Alias Rand platoon leader 26 anyos nga taga Sitio Dlumay, Barangay Upper Suyan, Malapatan ug Alias Ray 41 anyos nga residente usab sa lugar.
Giangkon sa duruha nga na pressure tungod sa pagkawala sa ilang mass base supporter tungod sa sunod sunod nga military operation sa mga hilit nga dapit sa kabukiran hinungdan nga uban kanila ang namatay sa encounter samtang uban ang nalisang hinungdan nga gilubong ang ilang armas ug mikanaug gikan sa bukid.
Hinuon wala na gibutyag sa kasundaluhan kung unsa nga matang sa armas ang bitbit sa duha dihang mibalik sa sabakan sa gobyerno.
