Usa ka dugong o sea cow ang nakit-an nga patay ug naglutaw duol sa baybayon sa Sitio Dungeon, Barangay Pangyan, Glan, Sarangani niadtong Hunyo 9, 2026.
Sumala sa mga residente, sila ang unang nakabantay sa patay nga marine mammal ug ilang gidala sa baybayon aron masusi sa mga otoridad.
Base sa lokal nga opisina sa pangisdaan, ang dugong gibanabanang motimbang og 400 ka kilo ug adunay gitas-on nga kapin 8 feet.
Gisulti sa pipila ka residente nga una na nilang nakita ang dugong nga adunay mga samad sa lawas ug posibleng nakatampo kini sa pagkamatay sa hayop.
Samtang, giimbestigahan pa sa DENR ang posibleng hinungdan sa pagkamatay sa dugong.
Adunay usab mga pangagpas nga basin adunay kalabotan kini sa kusog nga paglinog sa Mindanao, apan wala pa kini mapamatud-an sa mga eksperto.
