GENERAL SANTOS CITY – Gitimbaya ni Dr. Cristina Ramizo, usa ka pediatrician ang Bombo Radyo sa kalampusan sa Dugong Bombo 2017.
Si Dr. Ramizo, gawas nga co-anchor sa programang Hunghong sa Kagabhion, suki na usab kini sa pakigduyog sa blood donation sa sibyahanan sa matag tuig ingon sa tanang proyekto sa sibyahanan.
Matud pa, dakong tabang ang natigom nga 640 ka bags sa dugo sa miaging blood letting activity dili lang sa taga gensan apan pati sa kasikbit nga mga probinsya tungod sa PRC gensan gakuha ug supply sa dugo ilabina panahon sa emergency.
Sa iyang pamahayag nga naobserbahan niya nga daghang dengue cases sa ospital pagkkaron.
Dugang pa ni Dr. Ramizo nga mas daghang successful donor ning tuiga itandi niadtong 2016.
Nagtuo nga kini tungod mas milapad ug mikusog ang information campaign sa Bombo radyo kalabot sa kamahinongdanon sa pagdonate ug dugo.
Sa iyang pamahayag nga mas maayo mag-donate kaysa abunohan ug dugo.
Dako ang pagpasalamat sa Bombo RAdyo sa tanang doktor nga niduyog sa Dugong Bombo 2017 hinungdan nga nagmalampuson.
Kini mao silang Dr. Maria Luisa Canda-Baliao, Dr. Russel Gonzales, Dr. Bing Aquino, Dr. Ramon GonzalesS, mag-asawa nga silang Dr. Jett Oco ug Dr. Janjan Oco, DR. Jocelyn Frial, Dr. Jun Demontaño (Presidente sa GenSan Medical Society) Dr. Laurence Escovidal og ang medical interns of Doctors Hospital.
