GENERAL SANTOS CITY – Nagpasidaan ng daan ang NBI-Sarangani District Office sa publiko kalabut sa dugang singil alang sa pagkuha og NBI clearance.
Kini tungod epektibo na ugmang adlawa, Marso 12 ang maong dugang singil nga ipatuman sa ilang buhatan.
Kahibaluan nga ang kanhi singil nga P115 sa pagkuha og NBI Clearance, karon mamahimo na nga P130 kada kopya.
Giklaro sa NBI -SARDO nga gumikan sa pagpatuman sa Tax Reform for Acceleration and Inclusion (TRAIN) law, may adjustment usab nga P15 sa Documentary Stamp Tax gikan sa BIR.
Kahibaluan nga NBI Clearance ang sagad nga kinahanglan sa pag-apply ug trabaho o sa gaplano muadto sa abroad aron nga mapamatud-ang wala silay criminal record.
Una ng nagtaas ug singil sa pagkuha og mga dokumento sa Philippine Statistics Authority sama na lamang sa birth, marriage ug death certificates.
Nagsugod kining ipatuman sa PSA niadtong February 2, kung asa nahimong P155 na ang singil nila sa matag dokumento gikan sa kanhi P140 lang.
