Gikonsiderar sa House of Representatives ang pag-amyenda sa balaod sa Pantawid Pamilyang Pilipino Program (4Ps) aron madugangan ang tabang para sa mga benepisyaryo.
Si House Majority Leader ug Ilocos Norte Rep. Ferdinand Alexander Marcos mitaho kang Speaker Faustino Dy III nga ang House Committee on Appropriations nagtuon sa mga kinahanglanon sa badyet para sa mga proposal.
Giaprobahan sa House Committee on Poverty Alleviation, nga gipangulohan sa kanhi Presidente ug Pampanga Rep. Gloria Macapagal-Arroyo, ang substitute bill aron amyendahan ang balaod sa 4Ps (Republic Act 11310).
Ubos sa substitute bill, ang cash grant para sa mga anak sa mga pamilyang benepisyaryo sa 4Ps dugangan. Ang binulan nga tabang nga P300 dugangan ngadto sa P500 para sa mga estudyante sa day care ug elementarya, gikan sa P500 ngadto sa P700 para sa mga estudyante sa junior high school, ug gikan sa P700 ngadto sa P900 para sa mga estudyante sa senior high school. Ang tabang ihatag sulod sa 10 ka bulan kada tuig.
Ang mga batang adunay mga kakulangan makadawat og dugang nga P400 kada bulan aron masuportahan ang ilang mga panginahanglanon sa medikal.
Ang tinuig nga health grant dugangan ngadto sa P1,800 gikan sa P750 ug usa ka P1,100 nga Food and Nutrition Cash Grant ang ihatag.
Apil usab sa balaodnon ang First 1,000 Days (F1KD) cash grant nga nagkantidad og P400 kada bulan para sa mga batang nag-edad og zero hangtod 2 ka tuig aron suportahan ang ilang most ‘critical stage of child development’
Ubos sa balaodnon, ang pagrepaso sa lebel sa cash grant ug mga resulta sa programa ipahigayon matag tulo ka tuig imbes nga matag unom ka tuig.
Ang balaodnon gipadala na sa House Committee on Appropriations aron masiguro ang regular, igo, ug kasaligan nga pondo para sa dugang nga mga benepisyo.
