GENERAL SANTOS CITY – Alang sa Priority Groups A1.6 og A1.7 ang mukabat sa 1,400 vials sa Sinovac vaccine nga miabot sa dakbayan kagahapon.
Kini ang nahimong pagpaklaro ni National Immunization Program (NIP) Coordinator Dr. April Mae Maquilang.
Matud niini ang nahisgutang mga bakuna alang sa mga frontline workers nga anaa sa mga stand-alone facilities, lying-ins, freelance healthcare workers sama sa mga dentista, og mga anaa sa closed institutions sama sa orphanage og jails.
Gikabutyag nga mukabat sa 305 na matud pa ang nabakunahan ilawom sa nasangpit nga priority groups.
Lakip usab sa makadawat sa maong bakuna ang mga Healthcare workers nga wala nabakunahan kaniadtong una tungod nagpositibo sa COVID 19 og mipailawom sa quarantine apil ang mga personahe sa Lagao Gym Vaccine Command Center.
