Nagpagawas ang Department of Trade and Industry og bag-ong “Gabay sa Pamimili ng School Supplies” alang sa School Year 2026–2027 aron matabangan ang mga konsumidor sa pagtandi sa presyo samtang nangandam ang mga pamilya alang sa pag-abri sa klase.
Sumala sa DTI, tumong sa price guide nga mahimong giya sa kasagarang ginapalit nga gamit sa eskwelahan sama sa notebooks, papel, lapis, ballpen, krayola, eraser, tahal ug ruler.
Base sa advisory sa ahensya:
Notebooks (80 leaves): P13 hangtod P52
Spiral notebooks: P14 hangtod P49
Yarn notebooks: P14 hangtod P47
Grade pad paper: P13 hangtod P37 matag pad o pack
Intermediate pad paper: P22 hangtod P69.75 matag pad
Lapis: P12 hangtod P18 matag usa / P15 hangtod P24 matag pack
Ballpen: P3 hangtod P21 matag usa / P18 hangtod P27 matag pack
Krayola: P12 hangtod P114 matag kahon depende sa kolor
Pambura: P8 hangtod P20 matag usa
Pantasa: P16 hangtod P69
Ruler: P8 hangtod P32
Matod sa DTI, gipagawas ang maong giya aron matabangan ang publiko sa pagpili og baratohon apan dekalidad nga school supplies ug aron masiguro usab ang hustong label sa mga produkto.
Gipahimangnoan usab sa ahensya ang mga konsumidor nga maampingong susihon ang mga label ug detalye sa produkto aron masiguro nga luwas ug angayan ang ilang mapalit alang sa panginahanglan sa mga estudyante.
