Nanawagan ang pamunuan sa Department of Social Welfare and Development sa mga kandidato karong piniliay nga seryosong mangampanya sa mga huyang nga sektor sa katilingban.
Matod ni Social Welfare and Development Secretary Rex Gatchalian, kinahanglang ipataas sa mga kandidato ang lebel sa diskurso sa ilang pagpangampanya ngadto sa katawhan.
Matod pa niya nga mas maayo nga dili na mogamit og mga pulong nga makainsulto kanila.
Ang kalihim mihimo sa pahayag kasunod sa usa ka video nga nag-viral online diin ang usa ka kandidato mikomento alang sa nag-inusarang mga ginikanan.
Matod sa kalihim, klaro nga dili kataw-anan ang maong mga pamahayag ug komento.
Nagpakita lamang kini og pagtamay kanila.
Gitumbok usab sa kalihim nga ang tanang nag-inusarang ginikanan sa nasud makonsidera nga bayani tungod sa ilang suporta sa ilang mga anak ug pamilya lamang.
