-- ADVERTISEMENT --

Niapod-apod ang Department of Social Welfare and Development (DSWD) og dul-an sa P720,925 nga inisyal nga hinabang sa mga pamilyang naapektuhan sa Bagyong Ramil, matod ni Assistant Secretary Irene Dumlao.

Ang nasangpit nga hinabang naglangkob sa 382 ka family food packs (FFPs) ug 547 ka ready-to-eat food (RTEF) boxes nga gipang-apod-apod sa mga apektadong lugar.

Matod ni Dumlao, ang DSWD nakigtambayayong sa mga local government units (LGUs) sa hinanaling paghatag og hinabang, subay sa direktiba ni Presidente Ferdinand Marcos Jr.

Base sa taho , moabot ngadto sa 14,500 ka pamilya o 30,368 ka indibidwal gikan sa 147 ka barangay sa rehiyon sa Cagayan Valley, Central Luzon, Bicol, ug Western Visayas ang apektado sa kusog nga pag-ulan gumikan sa bagyo.

Sa kinatibuk-an, 3,028 ka pamilya o 7,834 ka tawo ang temporaryong nagpuyo sa 131 ka evacuation centers.

-- ADVERTISEMENT --

Gipasalig ni Dumlao nga andam ang ahensya nga mohatag og dugang tabang kon gikinahanglan, tungod kay adunay kapin sa duha ka milyon nga food packs nga gihipos sa mga bodega sa DSWD sa tibuok nasod ug P169 milyones nga standby funds alang sa disaster response operations.