GENERAL SANTOS CITY – Igo lamang gituman ni Provincial Director Col. Michael Libanan sa ang kamandu-an sa ilang labaw nga si PNP Chief Debold Sinas human gipahigayon ang kalit nga drug test sa mga pulis nga sakop sa Sarangani Provincial Police Office(SPPO).
Matud ni Lt. Col. Bernard Tayong, tigpamaba sa SPPO, ang lakang aron mahimong kredible ang ilang kampanya batuk sa ginadili nga druga.
Gipasalig niini nga pasilotan kadtong mga gagamitan ug nagprotekta sa mga nalambigit sa ilegal nga druga nga may silot nga pagtangtang sa serbsiyo.
Sa pamahayag sa nasampit nga opisyal nga sa pagkakaron, wala pa niini mahuptan ang resulta sa gipahigayong pagsusi apan gisiguro nga ipagawas kini sa publiko og walay itago.
Kahibaluan nga miaging semana lamang mihural sa bag-o niini nga posisyon si Lt. Col. Bernard Tayong sa SPPO.
