GENERAL SANTOS CITY -Patay human nga misukol sa kapulisan ang usa ka target sa search warrant operation nga gipahigayon sa Brgy. Koronadal Proper, Polomolok South Cotabato.
Giila ni Police Major Rommel Hitalia, Deputy Station Comamnder sa Polomolok Municipal Police Station ang napatay nga suspek nga si Omie Mark Villanueva, hamtong ang pangidaron nga residente sa maong lugar.
Matud ni Hitalia, gipahigayon ang operasyon human nga makumpirma nga dugay nang nalambigit ang target sa illegal nga droga human nga positibong napalitan og ilegal nga droga.
Gani ang nasampit ang anaa sa Inter-Agency Drug Information Data Based sa kapulisan.
Gikabutyag sa opisyal nga dihang mag-serve ang kapulisan sa search warrant may kalabutan sa illegal nga droga gipabuthan sa suspek ang operatiba.
Apan nabalusan sa kapulisan ang nasampit kung asa naka-angkon ug ubay-ubay nga igo pinusilan sa lawas ang target hinungdan nga dali nga gidala sa balay tambalanan apan gideklarang dead on arrival.
Narekober gikan sa posisyon sa suspek ang usa ka kalibre 38 nga armas nga may mga buhing bala. Nasayran nga gawas sa pagpamaligya ug illegal nga droga.
