GENERAL SANTOS CITY – Nasuta nga may laing kasong giatubang ang usa ka dinakpan nga nalambigit sa ilegal nga droga.
Si Swedeen Guivencan, 31 anyos nga taga Santa Cruz, Obrero St., Dadiangas North ang nagpabiling tanggong sa selda sa Pendatun PNP human nasikop sa dihang gipahigayon ang buybust operation sa nahisgutang barangay.
Napalitan ang nasampit og P500 nga kantidad sa shabu.Sa dugang pag-imbestiga sa mga pulis nasuta nga si Guivencan, ang may laing kaso nga giatubang nga mao ang child abuse og human trafficking.
Kini gumikan sa alegasyon nga gigamit ang menor de edad nga maghimo og dili maayo sa kamera.
Iyang gikuhaan og hubo nga mga hulagway dayon ipadala sa iyang mga ka-chat bugti sa kwarta.
Hinoon iyang giangkon ang alegasyon nga gihimo ang sa ingon aron makakwarta.
