GENERAL SANTOS CITY- Mukabat sa 4,408 ka mga drug surfacing personalities dinhi sa dakbayan.
Matud ni Rebecca Magante, labaw sa CSWDO, gisugdan na karon sa nagkadaiyang mga ahensya sa gobyerno kauban ang ubang mga pribadong grupo aron matabangan ang mga nasampit.
Sila sa CSWDO, ilaha matud pang gi-clasiify ngadto sa tulo ka bahin ang epekto sa droga nga gitawag nga mild-moderate ug severe.
Nasayran nga pito na ka barangay ang na-assess kauban ang CHO nga kapin na sa 150 ka mga recovering drug dependents kung asa 14 ang nasuta nga severely affeted.
Kahibaluan nga kaniadtong December 2016 mukabat sa 15 ang na-assess sa Brgy Dadiangas North, 21 sa Upper Labay, 10 sa Tinagacan, 19 sa Batomelong ug 21 sa Katangawan ug 10 sa 86 ang severly affected sa droga.
Samtang sa miaging Pebrero 3 ning tuiga gipahigayon ang assessment sa Brgy Fatima ngadto sa 49 ka mga recovering drug dependents kung asa tulo ang severly affected ug pito sa San Jose ug usa ang severly affected.
Sa kinatibuk-an, 14 na ang severly affected sa ilegal nga droga nga gikatakda nga ipadala sa rehabilitation center.
