GENERAL SANTOS CITY – Karong adlawa gilaumang kasuhan ang watch–listed drug personality nga nasikop sa gipahigayong buy-bust operation sa Philippine Drug Enforcement Agency (PDEA) Regional Office 12 Purok Bayanihan, Brgy. Benitez, Banga, South Cotabato, kagahapon sa hapon.
Giila ang dinakpan nga si JOLAND OBRENZE Alias June, 36 anyos, minyo, waaly trabaho ug residente sa Purok Elnegros, Brgy. Benitez, Banga, South Cotabato.
Kini human siya mapalitan ug usa ka sachet sa shabu sa PDEA Agent nga nagpakaron-ingnon nga poseur–buyer sa kantidad nga P500 isip buy–bust marked money.
Nakumpiska usab kaniya ang anaa sa 0.3 gramo sa shabu nga may estimated value nga P1,500 ug usa ka ka cellphone.
Gihikay na ang kasong pagsupak sa Section 5 kon pagbaligya ug iligal nga droga, sa RA 9165 kon Comprehensive Dangerous Drugs Act of 2002.
Ang dinakpan ang kasamtangang balhug sa PDEA-12 Detention Facility.
