GENERAL SANTOS CITY – Sikop sa mga otoridad nga lima ka mga personalidad sa gipahigayon nga anti-narcotic operation nga gipahigayon sa operatiba sa PDEA RO XII – Sarangani Provincial Office ug Sultan Kudarat Provincial Office ilalom sa pagpanguna Director Naravy Duquiatan, katambayayong ang kapulisan sa dakbayan .
Nasikop sa buy-bust operation ang nagpangalan nga Kevin Mondejar Gallero Alias “KEV”, 26-anyos, ulitawo usa ka product specialist ug residente sa Aquino Village Kaunlaran, Yumang Extension, Brgy. San Isidro, General Santos City.
Nasikop ang suspek human matud pa napalitan ug gituohan nga usa ka sachet sa shabu sa poseur buyer sa kantidad nga Php 500.00.
Nasikop usab ang kauban niini nga silang Andrey Allen Barriato Dejoras alyas “Andrey” , 27-anyos, usa ka estudyante, Davis Calsis Crianz Alias “Dave”, 22-anyos, checker, ug residente sa Purok 1, Brgy. Conel, General Santos City:, Aaron Causing Trinidad Alias ‘Ron” 21-anyos ug residente Block 14, Lot 7 Susana Homes, Brgy. Lagao, General Santos City, ug Revin Arky Mondejar Yanong Alias “Rev”, 28-anyos, online seller, ug residente sa Block 11, Lot 2, Susana Homes, Brgy. Lagao, ning syudad.
Nakuha sa mga otoridad ang tulo ka mga gagmay ug upat ka mga medium sachets nga gituhan nga shabu nga adunay kabug-aton nga dili moubos sa 11 gramos nga gibanabanaan nga nagkantidad ug Php 74, 800.00.
Nakatakda nga kasuhan ang mga dinakpan sa kalapasan sa Article II sa RA 9165.
