GENERAL SANTOS CITY – Malampuson nga nadiskubre ang usa ka drug den samtang walo katawo nga nasikop sa buy bust operation nga gipahigayon sa Lot 3 Yu Village Brgy Apopong ning syudad.
Target sa operasyon ang usa ka Juanito Cabero III, 36 nga residente sa lugar samtang sikop ang nagpangalan og Vanessa Mascarinas 36, tag-iya sa balay nga gihimong drug dren.
Apil nasikop ang unom nga kauban sa duha dihang naabtan sa kapulisan sa ilang balay ni Cabero.Ang nahisgutan mao silang Leo Frans Aninon , 34 anyos ; Bryan Borenaga 36 anyos ; Raymond Libu-on 23 anyos; Gem Lord Medina 27 anyos og Anthony Louie Mahusay 28 anyos.
Human nga napalitan si Cabero og usa ka pakete sa gituohang shabu sa kantidad nga P500, gilayon nga gisulod sa mga otoridad ang balay niini og narekober sa balay sa nahisgutan ang upat ka dagko nga sachet sa gituohang shabu nga may kabug-aton nga dies gramo nga may street value nga P68,000 og drug paraphernalia.
Giandam na sa kapulisan ang kasong pagsupak sa RA 9165 kun Comprehensive Dangerous Drugs Act of 2002 batok sa walo ka suspek nga balhog karon sa selda.
