GENERAL SANTOS CITY – Mapasalamaton ang taga DPWH nga nabalik ngadto kanila ang nawala nga drone nga gigamit sa topographical survey.
Matud ni Engr. Lacan Compase nga kaniadtong May 19 sa Baluan nawala ang drone atol asa pagkuha nila og drone shot sa taas nga pagbaha sa Brgy Lagao hangtod sa Buayan.
Gibutyag niini nga kun wala makit-an balik ang drone posibleng magtunga sila sa iyang mga kaubanan aron mabayran ang drone nga gibanabanaang nagkantidad og P200-P250,000.
Nasayran nga usa ka Rey Golosino nga residente sa Baluan ang nakakita sa drone nga nakasab-it sa iyang pader hinundan nga gilayon nga nagpatabang sa Bombo Radyo aron mabalik kini sa tinuod nga nanag-iya.
Pinaagi sa pagpost sa hulagway sa maong drone sa official facebook page sa Bombo Radyo maong nakit-an ni Engr. Compase ang maong gadget og nauli kanila.
Gibutyag ni Barangay Captain Arman Diamante sa Baluan nga usa ka maayong modelo si Golosino human nga wala magkainteres sa drone og giuli kini sa tag-iya.
Gibutyag sa kapitan nga gitagan og cash gift si Golosino isip reward sa iyang kaayo nga gihimo.
