GENERAL SANTOS CITY – Kustudiya sa kapulisan ang driver sa prime mover nga si Nemesio Akbay 66 anyos nga taga San Isidro ning syudad samtang naka impound ang tulo ka sakyanan nga nalambigit sa karambola nga nagresulta sa pagkamatay sa duha ug pagkaangol sa tulo pa ka biktima.
Matud ni Police Capt. Richard Ho, Deputy Chief sa Tupi Municipal Police Station nga nagpadayona ng gihimo nga imbestigasyon sa pagkamatay sa duha ka empliyado sa Tupi LGU nga sakay sa itum nga pick-up.
Sa imbestigasyon nga pulos direksyon sa Koronadal ang prime mover ug ang pick-up samtang padulong sa Gensan ang direksyon sa bonggo truck.
Pag-abut matud pa sa Purok 15-B Polonuling, Tupi South Cotabato nag overtake sa prime mover ang pick up apan naigo niini ang likod sa trailer ug paghidangat niini sa pikas lane natagbo niini ang bonggo nga maneho sa nagpangalan ug Louzel Defino nga taga Topland Koronadal hinungdan sa disgrasya nga gikamatay nilang Ralph Anthony Zabala 35 pick-up driver ug pasahero niini nga si Hernando Carl Cortez 26 pulos molopyo sa Poblacion, Tupi South Cotabato.
Samdan usab ang driver sa Bonggo nga si Defino ug duha niini ka kauban nga silang Jemuel Cartajena 38 ug Christian Nepomuceno 30 pulos residente sa Topland Koronadal South Cotabato.
Gihulat na lamang sa kapulisan nga magkaatubang ang tulo ka habig aron estoryahan ang naasoy nga insidente.
