South Cotabato – Duha ang patay samtang onse ang naangul sa karambola sa mga sakyanan sa Tupi, South Cotabato nga gisugdan sa 10 wheeler trucks nga mibangga sa napulo ka mga sakyanan nakalabay nga adlaw.
Matud ni Police Master Sergeant Rea Luz Gatinao ang tigpamaba sa Tupi Municipal Police station nga gikustudiya na sa kapulisan ang drayber nga si Albert Sembrano nga taga Purok Maligaya, Tangtangan South Cotabato.
Matud ni Gatinao nga pasado alas singko sa hapon dihang nawad-an ug break ang cargo truck nga may dise sais toneladas nga kargamento .
Unang naigo ang usa ka pula nga sedan ug sunod nga naigo ang laing siyam ka sakyanan nga nagresulta sa pagkamatay sa mag-amahan nga si Jamaludin 28 anyos topdown driver ug anak nga si Junaiden kwatro anyos samtang igsuon niini nga katorse anyos ang naa pa sa ICU.
Pagka karon matud pa duha ang gidala sa Pingoy Hospital ug anaa sa Intensive Care Unit nga silang Crezelle Flandez ug Camelle Cresonio.
Nahitabo ang karambola sa mga sakyanan sa Purok 1 Poblacion Tupi nakabalay nga adlaw.
