GENERAL SANTOS CITY – Nagsapaw-sapaw nga kaso ang atubangon sa usa ka driver nga kustodiya karon sa Lagao Police station human manumbag ug pulis.
Kini human maaktuhan kagabii nga nanigarilyo sa usa ka dapit sa Lagao og isyuhan unta ug ticket ang suspek apan nasuko kini ug nakigsinumbagay sa mga pulis.
Giila ang nahisgutan nga si Romeo Catubay Cahumnas 48 anyos nga residente sa San Vicente Lagao ning dakbayan.
Pagkakaron naa sulod sa selda ang nahisgutang traysikel driver ug nakatakdang kasuhan ug direct assault against agent in authority.
Gawas niini bayaran usab sa nahisgutan ang pagsupak niini sa ordinance number 6 mao ang pagpanigarilyo.
Nasuta nga alas onse pasado sa gabii gidakop nilang PO1 Asgar Tanda ug PO1 Behar Harid sa Lagao Police Station ang nahisgutan human maagi-an sa kapulisan atul sa saturation drive sa lugar.
